तुलसीपुर, ६ असोज ।

ईलाका प्रहरी कार्यालय तुलसीपुरले तुलसीपुर उपमहानगरपालिका वडा नं. ७ संग अन्तक्र्रिया गरेको छ । वडा भित्रका बिभिन्न टोलमा गठन भएका सुरक्षा समितिका पदाधिकारीहरु, टोल विकास संस्थाका पदाधिकारीलगायतसंग अन्तक्रिया गरिएको हो ।

वडाध्यक्ष टोपबहादुर केसीको अध्यक्षता तथा ईलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहको प्रमुख आतिथ्यमा कार्यक्रम भएको हो । त्यस अवसरमा प्रमुख अतिथि सिंहले हरेक व्यक्ति कानुनका बिषयमा जानकार हुनुपर्ने बताए ।

नागरिक पनि बर्दिविनाको प्रहरी भएको भन्दै समाजमा हुने हरेक अपराधिक गतिबिधिहरु प्रहरीलाई जानकारी दिनुपर्ने बताए । साथै उनले प्रहरीले आफ्ना कमीकम्जोरीलाई सुधार गर्दै लैजाने समेत बताए । उनले अब तुलसीपुरमा अपराध रोकथामकालागि टोल–टोल तथा ग्रामिण बस्तीमा निगरानी गरिने बताए । कार्यक्रमको सहजीकरण प्रहरी सहायक निरीक्षक रमेश बीसीले गरेका थिए ।