तुलसीपुर, ६ साउन ।

तुलसीपुर उद्योग बाणिज्य संघका उपाध्यक्ष मिनराज भण्डारीले आगामी अधिवेशनमा आफु अध्यक्षको बलियो दावेदार रहेको बताएका छन् । उनले मंगलबार तुलसीपुरमा पत्रकार सम्मेलन गरि यस्तो बताएका हुन् । ‘म तीन कार्यकाल उद्योग बाणिज्य संघको कार्यसमितिमा रहेर काम गरेँ’, उनले भने‘ अब म नेतृत्वमा रहेर काम गर्ने गरि अगाडी बढ्नेछु ।’

एक कार्यकाल सदस्य, एक कार्यकाल सचिब र अहिले उपाध्यक्षका रुपमा कार्यरत रहेको भन्दै अब आउदो अधिवेशनबाट अध्यक्ष भएर व्यबसायीको हकहितमा काम गर्ने बताए । ‘मैले लामो समय व्यबसायीसंग संगसंगै हिडेको छु, व्यवसायीका धेरै समस्याहरु छन्’ उनले भने‘ ति समस्या समाधान गर्न ईच्छा मैले जाहेर गरेको छु ।’

आफुले १४ हजार लगानी लगाएर व्याबसाय सुरु गरेको र सुरुमा निकै संघर्ष गर्नुपर्ने उनले बताईन् । उद्योग बाणिज्य संघमै हुँदा आफुले बसपार्क निर्माणकालागि महत्वपूर्ण भूमिका निर्वाह गरेको समेत बताए । साथै उनले विभिन्न ठाउँमा सडक विस्तार, बिभिन्न सामाजिक अभियानमा सहकार्य गर्नुकासाथै संघकै तर्फबाट बबई क्याम्पसको पदेन सदस्य भएर त्यसको विकासकालागि महत्वपूर्ण भूमिका निर्वाह गरेको उनले बताए ।