तुलसीपुर, २३ असार ।

राष्ट्रिय युवा सघ नेपाल दाङले राप्ती प्रादेशिक अस्पताल तुलसीपुर परिसरमा सरसफाई गरेको छ । संघका जिल्ला अध्यक्ष देबु बस्नेतको अध्यक्षता एव प्रादेशिक अस्पताल तुलसीपुरका अध्यक्ष पदम न्यौपानेको प्रमुख आथित्यमा उक्त कार्यक्रम मंगलबार भएको हो । अस्पताललाई सधै सरसफाई राख्नुपर्छ भन्ने चेतना प्रदान गर्न उक्त कार्यक्रम आयोजना गरिएको हो ।

कार्यक्रममा खेलकुद बिकास समिति दाङका निवर्तमान अध्यक्ष डिल्ली डाँगी, विद्यार्थी नेता प्रकाश ओली, प्रकाश शर्मा, अस्पतालका मेडिकल सुपरिटेनडेन्ट डा. सर्बेस शर्मा, तुलसीपुर उपमहानगरपालिकाका कार्यपालिका सदस्य अमर नेपाली‘माइकल’ लगायतले भनाई राखेका थिए । कार्यक्रम सहजीकरण उप सयोजक माधव बुढाथोकीले गरेका थिए ।

यस्तै उक्त कार्यक्रमको पहलकर्तामा अस्पतालका कर्मचारी जीवन खड्का, जीवराज भण्डारी‘अविनास’ रहेका थिए ।