दाङमा पत्रकार हँु भनी अर्काको ‘आईडी’ बोकेर हिड्ने पक्राउ
तुलसीपुर, २६ चैत ।
दाङमा अर्कै ब्यक्तिको पत्रकारको परिचयत्र बोकेर हिड्ने एक ब्यक्ति पक्राउ परेका छन् । वुधबार विहान ८ बजेतिर अर्काको परिचयपत्र बोकेर मोटरसाईकलमा हिडिरहेका तुलसीपुर उपमहानगरपालिका वडा नं. १७ निवासी २८ बर्षीय मेघराज सुनारलाई प्रहरीले पक्राउ गरेको हो ।
घोराही–तुलसीपुर सडक खण्ड अन्तर्गत हात्तिखौवामा बा ८७ प १००६ नम्बरको मोटरसाईकललाई रोकी चेकजाँच गर्दा उनी पत्रकार नभएको पुष्टि भएपछि प्रहरीले पक्राउ गरेको जिल्ला प्रहरी कार्यालाय दाङका प्रहरी नायब उपरीक्षक सुमित खड्काले बताए ।
उनले खिमबहादुर डिसी नामको रिपोर्टस् क्लब दाङको परिचयपत्र बोकेर आफुलाई पत्रकार भएको बताउँदै लकडाउन उल्लंघन गर्दै हिडिरहेको प्रहरीले बताएको छ । यस बिषयमा प्रहरीले अनुसन्धान गरिरहेको छ ।
प्रतिक्रिया
सम्बन्धित खवर
ताजा खबर
