शरद रेग्मी

दाङ, १२ फागुन ।

हिरासतमुक्त भएसंगै सोमबार महरा दाङ आएका छन् । आफु निर्वाचित क्षेत्रका जनतालाई भेट्न महरा दाङ आएका हुन् । उनलाई दाङमा भब्य स्वागत गरिएको छ । पूर्वसभामुख महरालाई जिल्ला भरका महराका समर्थकहरुले भालुवाङ गएर भब्य स्वागत गरेका हुन् । उनलाई भालुवाङ समाज र दंगाली जनताहरुले बाजागाजा, अबिर खादा र मालाले भब्य स्वागत गरेका थिए ।

त्यस अवसरमा पूर्व सभामुख महराले आफुलाई सहयोग गर्ने,शुभेच्क्षा प्रकट गर्नुहुने सबैलाई धन्यबाद प्रकट गरेका थिए । उनले आफुलाई षडयन्त्र गरेर तीन महिनासम्म हिरासतमा राखेको भन्दै अझै पनि षडयन्त्र गर्ने गिरोह सक्रिय रहेको उनले बताए । महराले मतदातालाई भेट्न दाङ आएको भन्दै उनले यो घटनाबारे केही नबोल्ने समेत बताए । उनले दाङको विकासकालागि निरन्तर लाग्ने समेत बताए । महरालाई भालुवाङयता बिभिन्न स्थानमा स्वागत गरिएको छ ।