कपिल लामिछाने

तुलसीपुर, ४ माघ ।

दाङको तुलसीपुर उपमहानगरपालिका वडा नं. १८ ले विदेशी पर्यटकलाई स्वागत गरेको छ । भ्रमण बर्ष २०२० लाई सफल बनाउन वडामा आउने हरेक पर्यटकलाई स्वागत गर्ने लक्ष्य लिएको छ । सोही अनुरुप आईतबार आयरल्याण्डकी हेलेन कोलडाचलाई वडाध्यक्ष माधव वली र वडा सचिव दीपा सुवेदीले स्वागत गरेकी हुन् ।

त्यस अवसरमा वडाध्यक्ष वलीले नेपाल भ्रमण बर्ष २०२० लाई सफल बनाउनका लागी स्थानीय सरकार लागिरहेको र यस वडामा आउने सबै स्वदेशी तथा बिदेशी पर्यटकहरुलाई स्वागत गर्ने बताए । साथै उनले पर्यटकलाई वडाका पर्यटकीय स्थलमा घुमाउने गरेको समेत बताए । त्यसकालागि पर्यावरणीय दिगो बिकास एवम् अनुसन्धान केन्द्र सँग सहकार्य गर्दै आएको उनको भनाई छ ।

त्यस अवसरमा यहँँको वातावरणीय र भौगोलिक कुराको जानकारी गराउदै पर्यावरणीय दिगो बिकास एवम् अनुसन्धान केन्द्र नेपालका अध्यक्ष डिल्ली बहादुर रावतले यस वडाभित्र आउने सबै पर्यटकहरुलाई आफ्नो संस्थाले घुमाउने र यहाँको बस्तुस्थितिका बारेमा पनि जानकारी गराउदै आईरहेको बताउदै आगामी दिनहरुमा यसरी नै वडा संग मिलेर पर्यटन बर्ष २०२० लाई सफल बनाउन आफु लागीरहने प्रतिवद्धता जनाए ।