लक्ष्मण बस्नेत

तुलसीपुर, २ फागुन ।

दाङको तुलसीपुर उपमहानगरपालिका वडा नं. ६ स्थित गोरखा माविको खेलसप्ताहलाई समापन गरिएको छ । शुक्रवार एक कार्यक्रमकाबीच खेल सप्ताहलाई समापन गरिएको हो ।

खेलकुदमा जिल्लामै अब्बल रुपमा प्रस्तुत गर्दै आएको बिदालयले एथलेटिक्सतर्फका ट्रयाक तथा फिल्ड, म्याराथन दौड,छात्र फुटबल, क्रीकेट, स्लो बाईक रेस र जुनियर लेवल तर्फका विभिन्न बिद्यामा प्रथम,दोस्रो र तृतिय स्थान हासिल गर्ने छात्र÷छात्रालाई पुरकार मेडल तथा प्रमाणपत्र प्रदान गरिएको थियो ।

गोरखा ग्रुपका अध्यक्ष मानबहादुर बुढाको अध्यक्षतामा भएको कार्यक्रममा प्रमुख अतिथि जिल्ला खेलकुद विकास समितिका पूर्वध्यक्ष डिल्लीबहादुर डाँगीले देशको समृद्धि नै अब खेलकुद क्षेत्रले निर्धारण गर्ने बताए । साथै उनले शिक्षा र खेलकुद क्षेत्रमा गोरखा माबि अब्बल रहेको भन्दै प्रसंसा गरे ।

कार्यक्रममा विद्यालयका सल्लाहकार राप्ती बबई क्याम्पसका अध्यक्ष विष्णुकुमार देवकोटा,१९ नं बाहिनीका मेजर युवराज खत्री,ईलाका प्रहरी कार्यालयका डिएसपी हरिहरनाथ योगी,साहित्यकार तथा राष्ट्रिय परिक्षा बोर्ड प्रदेश नं ३ का प्रदेश प्रमुख जयन्ती सत्याल लगायतले शुभकामना मन्तव्य व्यक्त गरेका थिए ।

गोरखा ग्रुपका उपाध्यक्ष डोर बहादुर जिसीले स्वागत मन्तब्य ब्यक्त गरेको कार्यक्रमको सहजीकरण शिक्षक कमल भण्डारीले गरेका थिए ।