ईलाका प्रशासन कार्यालय तुलसीपुर नयाँ भवनमा सर्ने
तुलसीपुर , २६ माघ ।
ईलाका प्रशासन कार्यालय तुलसीपुरले नयाँ भवनबाट सेवा प्रदान गर्ने भएको छ । नयाँ भवन निर्माणको काम पूरा भएपछि अब पूरानो स्थानबाट नयाँ भवनमा सार्ने तयारी रहेको प्रशासनले जनाएको छ । यस अघि तुलसीपुरको दोघरेवाट सेवा प्रदान गर्दै आएको प्रशासनले आगामी फागुनदेखि तुलसीपुर ५ स्थित राप्ती प्रादेशिक अस्पतालबाट सेवा प्रदान गरिने कार्यालयका निमित्त प्रमुख श्रीधर टण्डनले बताए । उनका अनुसार यही माघ २८ र २९ गते नयाँ भवनमा सार्ने काम हुने छ । त्यसकालागि दुईदिन कार्यालय भवन सारिने भएकाले सेवा समेत अबरुद्ध हुने बताए । उनले २ दिन कार्यालय विदा गरेरै नयाँ भवनमा सामग्री सार्ने काम हुने बताए ।
यस अघि कार्यालयले भाडाको भवनबाट सेवा प्रदान गर्दै आएको थियो । अब भने आफ्नै भवनबाट कार्यालयले सेवा प्रदान गर्ने छ ।
प्रतिक्रिया
सम्बन्धित खवर
ताजा खबर
