तुलसीपुर १७ कात्तिक ।

राष्ट्रिय प्रजातन्त्र पार्टीका अध्यक्ष कमल थापा दाङ आउदै छन । आगामी मंसीर १४ गते हुने निर्वाचनका लागी राप्रपा दाङले कार्तिक २० गते तुलसीपुरमा गर्न लागेको चुनावी सभालाई सम्बोधन गर्न थापा दाङ आउन लागेको राप्रपा जिल्ला उपाध्यक्ष भुपाल रावतले जानकारी दिए ।

चुनावी सभालाई सम्बोधन गर्न अध्यक्ष थापा, राप्रपाका वरिष्ठ नेता तथा पूर्वमन्त्री दिपक बोहरा, बरिष्ठ उपाध्यक्ष एवं पूर्वमन्त्री बुद्धिमान तामाङ, राप्रपा केन्द्रीय उपाध्यक्ष एवं पूर्वमन्त्री प्रेमबहादुर भण्डारी, राप्रपा ५ नं. प्रदेशका अध्यक्ष प्रदिपकुमार उदय लगायतका नेताहरु दाङ आउन लागेको जानकारी राप्रपा केन्द्रीय सदस्य ऋषिराज देवकोटाले जानकारी दिए ।

दाङ जिल्ला क्षेत्र नं. ३ ख मा प्रदेश सभा र घोराही उपमहानगर पालिका वडा नं। १६ मा वडाअध्यक्षको लागि निर्वाचन हुँदैछ । राप्रपाले प्रदेश सभासदस्यको लागि भुपाल रावतलाई र घोराही उपमहानगरपालिका वर्ढा न १ ६को वडा अध्यक्षको लागि प्रकाश केसीलाई उम्मेदवारिको लागि प्रदेश कार्यसमिति र केन्द्रीय कार्यसमितिमा सिफारिस गरि पठाएको छ । चुनावी घोषणा सभामा उपस्थिती हुन राप्रपा दाङले सबैमा आग्रह गरेको छ ।