काठमाण्डौ चैत २२, – दक्षिण अफ्रिकाका तीव्र गतिका बलर कागिसो रबाडा इन्डियन प्रिमियर लिग ९आईपीएल० टी–२० क्रिकेट बीचमै छोडेर स्वदेश फर्किएका छन् ।

आईपीएलमा गुजरात टाइटन्समा आबद्ध रबाडा व्यक्तिगत कारण देखाउँदै प्रतियोगिताको बीचमै स्वदेश फर्किएका हुन् । गुजरातले रबाडा महत्त्वपूर्ण व्यक्तिगत कामका लागि स्वदेश गएका र कहिले फर्किने भन्नेबारे जानकारी नगराएका बताएको छ ।

रबाडाले यो संस्करणको आईपीएलमा गुजरातका लागि दुई खेल खेलेकोमा दुई विकेट लिएका छन् ।

गुजरातको अन्य विदेशी खेलाडीहरूमा न्युजिल्यान्डका अलराउन्डर ग्लेन फिलिप्स र दक्षिण अफ्रिकाकै अर्का तीव्र गतिका बलर गेराल्ड कोएट्जी छन् । फिलिप्सले अहिलेसम्म कुनै खेल खेलेका छैनन् भने कोएट्जी सम्भवतः खेल्न सक्षम छैनन् ।

गुजरात अहिले ३ खेलमा ४ अङ्कसहित आईपीएल तालिकाको चौथो स्थानमा छ ।