बर्दिया चैत २२- पूर्व प्रधानमन्त्री एवम् नेकपा ९माओवादी केन्द्र०का अध्यक्ष पुष्पकमल दाहाल ‘प्रचण्ड’ले माओवादीलाई २०६४ अवस्थामा फर्काउन पार्टीले जागरण अभियान सञ्चालन गरेको बताउनुभएको छ ।

जनतासँग माओवादी तराई–मधेश जागरण अभियान अन्र्तगत हुलाकी राजमार्गमा पूर्वदेखि पश्चिमसम्मका जिल्लामा तराई जागरण अभियानका क्रममा बर्दियाको गुलरिया पुग्नुभएका अध्यक्ष प्रचण्डले सभालाई सम्बोधन गर्दै यस्तो बताउनुभएको हो ।

कार्यक्रमलाई सम्बोधन गर्दै प्रचण्डले प्रतिनिधि सभामा विश्वासको मत लिँदै गर्दा आफूले भने बमोजिम लोकतन्त्रिक मूल्य मान्यता र जनताको आकाङ्क्षालाई केन्द्रमा राखेर सरकारका गलत कामलाई सार्वजनिक गर्न तराई मधेश जागरण सभामा सक्रिय भएको बताउनुभयो ।

कार्यक्रममा माओवादीका उपाध्यक्ष पम्फा भुसाल, नेता कृष्णबहादुर महरा, महासचिव देव गुरुङलगायत सहभागी हुनुहुन्थ्यो ।