कोहलपुर माघ १६- नेपालगन्ज मेडिकल कलेज शिक्षण अस्पताल कोहलपुरले डेन्टल क्षेत्रमा उच्चस्तरीय र भरपर्दो सेवाहरू प्रदान गर्दै आएको नेपालगन्ज मेडिकल कलेजका सम्पर्क अधिकृत, राम कृष्ण हमालले जानकारी दिनु भएको छ ।

हाम्रो अस्पतालले पछिल्लो केही वर्षमा डेन्टल सेवामा नयाँ प्रविधि र दक्ष चिकित्सकहरूको समावेशीकरण गरी समुदायको स्वास्थ्यमा महत्वपूर्ण सुधार ल्याएको छ । हामी अब डेन्टल उपचारको लागि सबै वर्गका बिरामीहरूको सहज पहुँच सुनिश्चित गर्दैछौं ।

अस्पतालमा उपलब्ध रहेका अत्याधुनिक उपकरण र योग्य डेन्टिस्टहरूको टोलीले प्रत्येक बिरामीलाई व्यक्तिगत उपचार योजना दिन्छ, जसले गर्दा उपचार प्रक्रियामा विश्वसनीयता र कुशलता वृद्धि भएको छ। राम कृष्ण हमालले यो सेवाले क्षेत्रका नागरिकहरूको जीवनस्तरमा सुधार ल्याउन ठूलो योगदान पुर्याएको कुरा पनि जोड दिनुभयो ।

नेपालगन्ज मेडिकल कलेज शिक्षण अस्पताल कोहलपुरले भविष्यमा पनि आफ्नो सेवा क्षेत्रलाई विस्तार गर्दै, डेन्टल उपचारमा अझ बढी उन्नति ल्याउने योजना बनाएको छ ।