नेपाल प्रिमियर लिगमा सट्टेबाजी गराउने आरोपमा थप ३ जना पक्राउ
काठमाडौं, मंसिर २० – नेपाल प्रिमियर लिग (एनपीएल) मा सट्टेबाजी गराएको आरोपमा थप तीन जना पक्राउ परेका छन्। त्रिवि क्रिकेट मैदान, कीर्तिपुरबाट सट्टेबाजी गराउने थप तीन जनालाई केन्द्रीय अनुसन्धान ब्यूरो (सीआईबी)ले पक्राउ गरेको हो।
पक्राउ परेकाले दुईवटा एप, स्पोर्टस् बाजी र प्रोबो एपमार्फत सट्टेबाजी गराएको प्रारम्भिक अनुसन्धानमा देखिएको छ। यसअघि मङ्गलबार, प्रहरीले चार जना भारतीय नागरिकलाई पनि सट्टेबाजीको आरोपमा पक्राउ गरेको थियो।
एनपीएलमा सट्टेबाजी र खेल मिलेमतोको सम्भावनालाई मध्यनजर गर्दै सीआईबीले विशेष निगरानी टोली खटाएको छ। खेलमा कुनै पनि गलत क्रियाकलाप नगर्न निगरानी कडा पारिएको सीआईबीले जनाएको छ।
प्रतिक्रिया
सम्बन्धित खवर
ताजा खबर
