काभा महिला भलिबल प्रतियोगिताको फाइनलमा पुग्न नेपालले किर्गिस्तानसँग खेल्दै
काठमाण्डौ साउन ७, – माल्दिभ्समा भइरहेको काभा २० वर्ष मुनीको महिला भलिबल च्याम्पियनसिपको सेमिफाइनलमा आज नेपालले किर्गिस्तानसँग खेल्दैछ । खेल बेलुका सवा नौ बजे शुरु हुनेछ ।
लिगको अन्तिम खेलमा श्रीलङ्काले किर्गिस्तानलाई ३–२ ले पराजित गरेपछि नेपालले सेमिफाइनलमा किर्गिस्तान प्रतिद्वन्द्वी पाएको थियो ।
यस्तै पहिलो सेमिफाइनल अन्तर्गत आजै बेलुका पौने ५ बजे श्रीलङ्का र माल्दिभ्स खेल्नेछन् । फाइनल खेल भोलि हुनेछ ।
