विद्यार्थीले पत्रिकाको नमुना डिजाइन तयार गरे ।
![](https://www.dangtvonline.com/wp-content/uploads/2023/10/Gorkha-school.jpg)
कोहलपुर बाँके असोज २५
बाँकेको कोहलपुरस्थित गोरखा युनाइटेड पब्लिक सेकेन्डरी स्कुलका विद्यार्थीले अतिरिक्त क्रियाकलापअन्तर्गत पत्रपत्रिकाको नमुना ‘लेआउट डिजाइन’ तयार गरेका छन् । उक्त डिजाइन बनाउन विद्यार्थीले निकै मिहिनेत गरेका छन् ।
स्कुलका अनुसार शिक्षक सिकाइ अभ्यासका क्रममा विद्यार्थीहरूले पत्रिकाको डिजाइन तयार गरेका हुन् ।
विद्यार्थीहरूले मिसन टुडे राष्ट्रिय दैनिक, गोरखापत्र, कान्तिपुरको नमुना लेअआउट तयार पारेका थिए, जुन निकै आकर्षक र हुबहु देखिन्छ ।
विद्यार्थीले हातले नै लेखेर समाचार पनि तयार पारेका थिए । सुन्दर अक्षर र मिलेको डिजाइन हेर्नलायक रहेको छ ।