सरकारले ५० प्रतिशत भन्सार छुटमा २० हजार टन चिनी ल्याउदै
काठमाडौ, २७ भदौ ।
सरकारले मुख्य चाडपर्वलाई लक्षित गरी भन्सार सहुलियतमा २० हजार टन चिनी आयात गर्ने भएको छ । उद्योग, वाणिज्य तथा आपूर्ति मन्त्रालयको प्रस्तावमा गरिने २० हजार टन चिनीको आयातमा ५० प्रतिशत भन्सार छुट दिने निर्णय भएको अर्थ मन्त्रालयले जनाएको छ । खाद्य व्यवस्था तथा व्यापार कम्पनी र साल्ट ट्रेडिङले १०–१० हजार टन चिनी आयात गर्नेगरी भन्सार छुटको निर्णय भएको मन्त्रालयका प्रवक्ता धनीराम शर्माले जानकारी दिनुभयो ।
चिनीमा ३० प्रतिशत भन्सार महसुल लाग्ने गरेको छ । अब यी कम्पनीले १५ प्रतिशत भन्सार महसुलमा चिनी ल्याउन पाउने छन् । उद्योग, वाणिज्य तथा आपूर्ति मन्त्रालयले चाडपर्वका लागि भन्दै ६० हजार टन चिनी आयातको अनुमति माग गरेको थियो ।
प्रतिक्रिया
सम्बन्धित खवर
ताजा खबर
