कुलाेले बगाउँदा तुलसीपुरमा एक महिलाको मृत्यु
![](https://i0.wp.com/dangtvonline.com/wp-content/uploads/2022/09/FB_IMG_1662047081859-768x761-1.jpg?fit=465%2C461&ssl=1)
तुलसीपुर १६ भदाै ।
कुलोले बगाउँदा तुलसीपुरमा एक महिलाको मृत्यु भएको छ । वडा नम्बर ६ गौलौरामा गौरीगाउँ कुलोले बगाएर ४७ वर्षिय सिता भण्डारीको मृत्यु भएको हो । उनलाई कुलाले बगाएको थाहा पाएपछि स्थानीय उद्दारमा लागेका थिए । उनलाई गौरीगाउबाट उद्दार गरि अस्पताल पुराईएको थियोे ।
राप्ती प्रादेशिक अस्पतालमा चिकित्सकले मृत घोषणा गरेको वडा नम्बर ६ का अध्यक्ष बर्षात भण्डारीले जानकारी दिए । पञ्चमिको पुजा हेरेर घर फर्किने बेला कुलोमा खसेको बताईएको छ । बर्षायामको समयमा ह्वात्तै बढ्ने यो कुलोले धेरैको ज्यान लिएको छ ।