अनमोलसँग फिल्ममा डेब्यु गर्न चाहन्छिन् नीति, भुवनलाई पठाइन् सन्देश
![](https://www.dangtvonline.com/wp-content/uploads/2022/06/Anmol-KC-Niti-Shah-754x461.jpg)
काठमाडौं २३ जेठ।
मोडलिङमा दशक बिताएपछि नीति शाहको नजर अब फिल्मतर्फ सोझिएको छ । फिल्ममा करिअर बनाउनेतर्फ उनी अघि बढेकी छन् ।
यसका लागि नीतिले निजी व्यवस्थापक नियुक्त गर्ने मात्र होइन, स्क्रिप्ट लेखक खोजी गर्दै स्टाटस पोस्ट गरेकी छन् । उपयुक्त फिल्मबाट डेब्यु गर्ने तर्खरमा रहेकी उनी अहिले केही फिल्मसँगको ‘अप्रोच’मा छिन् ।
स्रोतका अनुसार नीति अहिलेका स्टार नायकको फिल्मबाटै डेब्यु गर्ने तयारीमा छिन् । यसको अर्थ उनी अहिलेका दुई चल्तीका अभिनेता अनमोल केसी र प्रदीप खड्कामध्ये कुनै एक जनासँग फिल्म खेल्न चाहन्छिन् ।
किनभने डिस होमसहितका केही विज्ञापनमा नीतिले प्रदीपसँग काम गरेकी छन् भने उनी मल्पी स्कुलमा अनमोलकी सहपाठी हुन् । यी व्यक्तिगत निकटता र बजार मूल्यको कारण नीतिको पहिलो रोजाइका कलाकारमा अनमोल र प्रदीप पर्छन् ।
अनमोलसँग फिल्म खेल्न नीतिले अनमोलका पिता भुवनलाई पनि सन्देश पठाइसकेकी छन् । नीतिका व्यवस्थापक निराजन गिरीले पनि केही फिल्मसँग कुरा भइरहेको, तर टुंगो नलागेको बताए ।
पूर्वमिस इन्टरनेसनल प्रतियोगिता समेत जितेकी नीतिको फिल्म करिअर कस्तो रहला रु मनोरञ्जन वृत्तमा यो चासोको विषय छ ।