दाङ, २४ पुस ।

नेपालमा कोरोना भाइरसको संक्रमणबाट मृत्यु हुनेको संख्या १९ सय नाघेको छ । आज थप ६ जनाको मृत्यु भए सँगै कोरोना संक्रमणबाट मृत्यु हुनेको संख्या एक हजार ९ सय ९ जना पुगेको हो ।

आज नेपालमा थप ५ सय ५४ जना कोरोना संक्रमित थपिएका छन् । विभिन्न प्रयोगशाला गरिएका परीक्षमा ५ सय ५४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । हालसम्म नेपालमा २ लाख ६४ हजार १५९ संक्रमितको संख्या पुगेको छ ।

वितेको २४ घण्टामा ५८५ जना कोरोना संक्रमणबाट निको भएर डिस्चार्ज भएका छन् । यो सँगै निको हुनेको संख्या २ लाख ५७ हजार २२९ पुगेको छ । देशभरी सक्रिय संक्रमितको संख्या हालसम्म ५ हजार २१ छ ।

मन्त्रालयका अनुसार हालसम्म पीसीआर विधिबाट १९ लाख ७४ हजार ५६१ परीक्षणहरु गरिएका छन् । हालसम्म क्वारेन्टाइनमा रहनेको संख्या ३३८ रहेको छ ।