डलर अर्वपति विनोद चौधरीलाई कोरोना संक्रमण पुष्टि
१२ भदौ, काठमाडौं ।
नेपालका डलर अर्वपति विनोद चौधरीमा कोरोना संक्रमण पुष्टि भएको छ । उनले शुक्रबार आफ्नो ट्विटरमार्फत आफूमा कोरोना संक्रमण पुष्टि भएको जानकारी दिएका छन् ।
कोरोना संक्रमण परीक्षण गर्दा शुक्रबार विहान संक्रमण पुष्टि भएको र आफूमा कुनै लक्षण नदेखिएको चौधरीले उल्लेख गरेका छन् ।
डाक्टरको सुझाव अनुसार आफू आइसोलेसनमा बसेको र आफूसँग सम्पर्कमा रहेकाहरुलाई सतर्कता अपनाउन उनले आग्रह गरेका छन् ।
चौधरी फोर्बस म्यागाजिनको सुचीमा पर्ने नेपालका एकमात्र अर्बपति हुन् । उनको देश र विदेशमा उद्योग व्यवसाय सञ्चालनमा छन् ।
प्रतिक्रिया
सम्बन्धित खवर
ताजा खबर
