तुलसीपुर, १५ साउन ।

दाङ तुलसीपुर उपमहानगरपालिका वडा नं. ६निवासी लक्ष्मी अभिनासा केसीले विहीबार परेको जन्मदिन असहाय वालवालिकासंग मनाएकी छिन् । उनले तुलसीपुर १८ बिजौरी स्थित असहाय वाल विकास नेपालमा रहेका असहाय वालवालिकासंग जन्मदिन मनाएकी हुन् ।‘जन्मदिनको नाममा अहिले होटेलमा गएर फजुल खर्च गर्ने गरिएको छ, तर, मैले जन्मदिनमा अनाबश्यक फजुल खर्च गरिन्’, उनले भनिन्‘जन्मदिनमा थोरै भएपनि खुसी असहाय वालवालिकासंग रमाए ।’

आहा तुलसीपुर अभियानको संयोजनमा उनले असहाय वालवालिकासंग जन्मदिन मनाएकी हुन् । अभियानका अध्यक्ष दीपक काफ्लेको अध्यक्षतामा भएको उक्त कार्यक्रममा संस्थाका अध्यक्ष विष्णु चौधरीले अभिभावकविहीन वालवालिकाहरु विद्यालय जान नपाउने र उनीहरुको भविष्य अन्धकार हुने भन्दै आफुले संस्था सञ्चालन गरेर उनीहरुलाई शिक्षादिक्षा दिनुकासाथै पालनपोषण गरेको बताए ।

कार्यक्रमको सहजीकरण यामप्रसाद पाण्डेले गरेका थिए । त्यस अवसरमा आहा तुलसीपुरका अभियन्ता अस्मिता भण्डारीसहितको सहभागिता थियो ।