तुलसीपुर, १८ असार ।

दाङको तुलसीपुर उपमहानगरपालिका वडा नं. ८ अश्वारामा दुई वटा मोटरसाइकल एक आपसमा ठोकिदा चार जना घाइते भएका छन् । तुलसीपुर देखि बालापुर तर्फ जाँदै गरेको रा ५ प ८०९५ को मोटरसाइकल र विपरित दिशाबाट आउदै गरेको रा ५ प ६५२५ नम्बरको मोटरसाइकल बिहिबार विहान १० बजेतिर एक आपसमा दुई मोटरसाईकल ठोकिदा दुर्घटना भएको इलाका प्रहरी कार्यालय तुलसीपुरले जनाएको छ ।

घाइते हुनेमा रा ५ प ६५२५ नम्बरका मोटरसाइकल चालक शान्तिनगर गाँउपालिका वडा नं. १ बयिया निवासी २० वर्षीय शंकर परियार र सोही मोटरसाइकलमा सवार बबई गाँउपालिका वडा नं. १ निवासी ४८ वर्षीया पवि डाँगी र त्यस्तै रा ५ प ८०९५ नम्बरका मोटरसाइकल चालक तुलसीपुर उपमहानगरपालिका वडा नं. २ भमके निवासी ३० बर्षीय गुरुप्रसाद चौधरी तथा सोही मोटरसाइकलमा सवार बबई गाँउपालिका वडा नं. १ चरकमटिया निवासी ३० वर्षीय पुनाराम चौधरी घाइते भएका छन् ।

उनीहरुमध्ये परियार र डाँगीलाई राप्ती प्रादेशिक अस्पतालमा सामान्य उपचार पछि थप उपचारका लागि बाँकेको कोहलपुर मेडिकल कलेजमा रेफर गरिएको छ । उनीहरुको अवस्था गम्भीर रहेको अस्पतालले बताएको छ । अन्य दुईजनाको भने राप्ती प्रादेशिक अस्पताल तुलसीपुरमा उपचार भईरहेको छ ।