तुलसीपुर, २७ असोज ।

जिल्ला प्रहरी कार्यालय दाङले फरार थुनुवालाई पक्राउ गरेको छ । यही असोज २५ गते शनिबार जिल्लाम प्रशासन कार्यालय दाङबाट सार्वजनिक नैतिकता विरूद्धको कसुरमा म्याद थप गरी ईलाका प्रहरी कार्यालय तुलसीपुर ल्याउने क्रममा प्रहरीलाई झुक्याएर फरार रहेका थुनुवालाई आईतबार पक्राउ गरेको हो ।

घोराहीबाट प्रहरीलाई झुक्याई फरार रहेका तुलसीपुर उपमहानगरपालिका वडा नं. ५ बस्ने अन्दाजी २१ बर्षीय बिण्णु बुढाथोकीलाई खोजतलास गर्ने क्रमामा शनिबार राति ९ बजेतिर दाङ तुलसीपुर उपमहानगरपालिका ५ बसपार्कमा लुकीछिपी बसिरहेको अवस्थामा फेला पारेर नियन्त्रणमा लिएको हो ।

साथै निजको शरिरको खानतलासी गर्दा निजको साथबाट १ ग्राम ३४० मिलिग्राम लागुऔषध ब्राउन सुगर समेत बरामद भएको जिल्ला प्रहरी कार्यालय दाङका प्रहरी नायब उपरीक्षक बिनोदबिक्रम शाहले जानकारी दिए ।