गएको वर्ष चीनमा एक करोड २५ लाख नयाँ शहरी रोजगारी सिर्जना
एजेन्सी माघ ९, -चीनले गएको वर्ष सन् २०२४ मा एक करोड २५ लाख नयाँ शहरी रोजगारी सिर्जना गरेको त्यहाँको मानव संसाधन तथा सामाजिक सुरक्षा मन्त्रालयले जनाएको छ ।
मन्त्रालयका अनुसार सन् २०२४ मा चीनको सर्वेक्षण गरिएको शहरी बेरोजगारी दर ५ दशमलव १ प्रतिशत थियो, यो अघिल्लो वर्षको तुलनामा शून्य दशमलव एक प्रतिशतले कम हो ।
रोजगारीको अवस्था सामान्यतया स्थिर रहेको मानव संसाधन र सामाजिक सुरक्षा मन्त्रालयलाई उद्धृत गर्दै समाचार संस्था सिन्ह्वाले उल्लेख गरेको छ ।
चीनले सन् २०२४ को अन्त्यसम्म तीन करोड ३० लाखभन्दा बढी मानिसलाई रोजगारी दिएको थियो । गएको वर्षको अन्त्यसम्ममा चीनमा डिजिटलसहित सामाजिक सुरक्षा कार्ड लिनेको सङ्ख्या झन्डै एक अर्ब ३९ करोड रहेको खबरमा उल्लेख छ ।
प्रतिक्रिया
सम्बन्धित खवर
ताजा खबर
