कोहलपुर, कार्तिक ३ – कोहलपुर उद्योग बाणिज्य संघको नयाँ नेतृत्वका लागि मतदान प्रक्रिया जारी छ । आज बिहान ८ बजेदेखि सुरु भएको मतदान अपराह्न ४ बजेसम्म चल्ने भएको छ । निर्वाचन समितिका अनुसार, आज बेलुका नै मत गणना गर्ने तयारी गरिएको छ ।
आजको निर्वाचनमा कुल १,हजार ६ सय ८६ मतदाताको सहभागिता रहेको छ । दिउसो २ बजे सम्ममा ८ सय मत खसीसकेको निर्वाचन समितिले जानकारी दिएको छ । यस निर्वाचनको तयारीमा दुई महिना लगाइएको थियो, जसमा विभिन्न समूह र राजनीतिक दलका प्रतिनिधिहरूबीच प्रतिस्पर्धा देखिएको छ ।
कोहलपुरका मतदाता दुई ध्रुवमा विभाजित भएका छन्, जसले आगामी नेतृत्वको चयनमा महत्वपूर्ण भूमिका खेल्न सक्छ । निर्वाचनमा बाहिरको हल्ला त चलिरहेको छ, तर भित्रका मतदाता चुपचाप सल्लाह गर्दै निर्णयमा पुगेका छन् । धेरै मतदाता प्यानलगत नतिजा नआउनेमा ढुक्क रहेका छन्, तर कतिपयले मिश्रित नतिजाको अपेक्षा पनि गरेका छन् ।
यस पटकको निर्वाचनमा प्रमुख प्रतिस्पर्धा लोकतान्त्रिक व्यवसायी समूहका प्रदीप भट्टराई र प्रगतिशील समूहकी अञ्जना धितालबीच हुनेछ । भट्टराई लामो अनुभवका साथ उम्मेदवार बनेका छन् भने धितालले पहिलोपटक महिला उम्मेदवारको रूपमा प्रतिस्पर्धा गर्दै छिन् । यस चुनावले नयाँ नेतृत्वको चयन गर्ने अवसर मात्र होइन, महिला नेतृत्वको सशक्तीकरणको अवसर पनि प्रदान गर्ने विश्वास गरिएको छ ।
प्रदीप भट्टराईको नेतृत्वमा वरिष्ठ उपाध्यक्षका लागि चण्डीप्रसाद गैरे, उद्योगतर्फका उपाध्यक्षका लागि हरिशरण केसी, वस्तुगत उपाध्यक्षका लागि राकेश विष्ट, महासचिवका लागि दीपक बहादुर भण्डारी, उप–महासचिवका लागि राजनकुमार पौडेल, कोषाध्यक्षका लागि भूमिराज कडेल र सह–कोषाध्यक्षका लागि देविलाल सुनार निर्वाचनमा प्रतिस्पर्धा गरिरहेका छन् ।
यस्तै सदस्यहरूमा अमृत पौडेल, नोखराज रावत, श्रीधर घिमिरे, किरण श्रेष्ठ, झुपबहादुर भण्डारी, किरण विक, गौरव श्रेष्ठ, गिरधारी शर्मा, अशोक गौडेल, मानबहादुर बुढा र महिला सदस्यमा शीतल योगी चुनावी मैदानमा छन्, भने एसोसियटतर्फ राजेन्द्र रिजालको उम्मेदवारी रहेको छ । लोकतान्त्रिक समावेशी व्यवसायी समूहमा नेपाली काँग्रेस, एकीकृत समाजवादी र नेपाल मजदुर किसान पार्टीको समर्थन रहेको छ ।
प्रगतिशील समुहको नेतृत्व गर्दै अञ्जना धितालको नेतृत्वमा बरिष्ठ उपाध्यक्षमा भुपेन्द्र काफ्ले, उद्योग तर्फको उपाध्यक्षमा अर्जुन सुवेदी, वस्तुगत उपाध्यक्षमा रूपक भुजेल, महासचिवमा दीपक अर्याल, उपमहासचिवमा गोपाल अधिकारी, कोषाध्यक्षमा गङ्गा बगाले, सह–कोषाध्यक्षमा टङ्क खनालको उम्मेदवारी रहेकोछ ।
त्यसैगरी सदस्यहरूमा रबि कर्माचार्य, मोतिप्रसाद सुवेदी, भवानी प्रसाद कडेँल, अस्मिता केसी, चक्रबहादुर केसी, परिर्वतन विश्वकर्मा, राजिव शर्मा, प्रतिभा खड्का, अंकित सिग्देल, एकबहादुर खड्का, खगेन्द्र बहादुर शाही, कृष्ण रानाभाटको उम्मेदवारी रहँदा एसोसिएटतर्फ दिपेश खनाल चुनावी मैदानमा उत्रिएकाछन् ।
मतदाता र समर्थकहरूबीच अहिलेको प्रतिस्पर्धाले निर्वाचनको माहोल निकै रोचक बनाएको छ । भट्टराई र धितालबीचको चुनावी रस्साकस्सीले यस पटकको निर्वाचनलाई विशेष महत्व दिएको छ । यस निर्वाचनमा भट्टराईको समूहको सशक्तता र धितालको समूहको नवीनता बीचको द्वन्द्वले चुनावी परिणाममा नयाँ धारणा ल्याउने अपेक्षा गरिएको छ ।
कोहलपुर उद्योग बाणिज्य संघको निर्वाचनको यस महत्त्वपूर्ण घडीमा, मतदाताले आफूलाई सन्तुष्ट गर्ने नेतृत्व चयन गर्ने मौका पाएका छन् । मतदान प्रक्रियामा जनताको चासो र सक्रियताले लोकतान्त्रिक प्रक्रियाको महत्वलाई पुनः पुष्टि गरेको छ । यस निर्वाचनले आगामी दिनमा संघको विकास र उन्नति सुनिश्चित गर्न महत्वपूर्ण भूमिका खेल्नेछ ।
कोहलपुर उद्योग बाणिज्य संघको निर्वाचनले नेतृत्व चयनमा मात्र होइन, स्थानीय व्यवसायीहरूको आवाज र आवश्यकतामा पनि ध्यान पुर्याउने एक महत्वपूर्ण अवसर प्रदान गरेको छ । अब निर्वाचनको परिणाम र त्यसपछि आउने नेतृत्वको दृष्टिकोणले भविष्यमा संघको दिशा तय गर्नेछ ।