लुम्बिनी प्रदेश सरकारले स्वास्थ्यकर्मी र औषधिसहितको टोली जाजरकोट र रुकुम पठायो
दाङ कार्तिक १८ – जाजरकोट भूकम्प प्रभावितहरूको उद्धार तथा उपचारका लागि लुम्बिनी प्रदेश सरकारले स्वास्थ्यकर्मीसहितको टोली पठाएको छ । लुम्बिनीका मुख्यमन्त्री डिल्लीबहादुर चौधरीलेको निर्देशनमा स्वास्थ्यकर्मी सहितको टोली पठाएको हो ।
भूकम्प प्रभावित क्षेत्रमा स्वास्थ्यकर्मीको आवश्यकता बढिरहेकोले लुम्बिनीका मुख्यमन्त्री चौधरीको निर्देशनमा दाङको तुलसीपुरबाट स्वास्थ्यकर्मी र औषधिसहितको टोली हिँडेको हो ।
राप्ती प्रादेशिक अस्पताल तुलसीपुर दाङका मेडिकल सुपरिटेडेन्ट डा पदमराज अधिकारीको नेतृत्वमा राप्ती प्रादेशिक अस्पताल तुलसीपुर, राप्ती लाइफ केयर अस्पताल, र तुलसीपुर सिटी अस्पतालबाट २० जना स्वास्थ्यकर्मी र औषधिसहितको टोली जाजरकोट र रुकुमतर्फ हिँडेको छ ।
प्रतिक्रिया
सम्बन्धित खवर
ताजा खबर
