आज थप ५७७ जनामा कोरोना संक्रमण पुष्टि,२ जनाको मृत्यु
![](https://www.dangtvonline.com/wp-content/uploads/2022/07/corona-virus_GHNF0NtfDF-2-810x398.jpg)
काठमाण्डौ,१३ साउन ।
पछिल्लो २४ घण्टामा थप पाँच सय ७७ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी चार हजार दुई सय ८२ जनाको नमुना परीक्षण गर्दा पाँच सय ७७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै थप दुई सय ६९ जना कोरोना सङ्क्रमित निको भएका छन् । पछिल्लो २४ घण्टामा कोरोना भाइरसको सङ्क्रमणका कारण दुई जनाको ज्यान गएको स्वास्थ्य मन्त्रालयले जनाएको छ । अहिले नेपालमा चार हजार तीन सय ५६ जना कोरोना भाइरसका सक्रिय सङ्क्रमित रहेका छन् । यस्तै २४ घण्टामा २८ हजार दुई सय ५६ जनाले कोरोनाविरुद्धको खोप लगाएका स्वास्थ्य मन्त्रालयले जनाएको छ ।