सुनको मूल्य तोलामा ९ सय रुपैयाँले घट्यो
काठमाडौं १४ माघ ।
शुक्रबार सुनको मूल्य तोलामा ९ सय रुपैयाँले घटेको छ । बिहीबार पनि तोलामा ९ सय रुपैयाँले सुनको मूल्य घटेको थियो । लगातार दोस्रो दिन सुनको पनि मूल्य घट्दा सुन तोलामा १८ सय सस्तो भएको नेपाल सुन चाँदी व्यवसायी महासंघले जनाएको छ ।
आज छापावल सुनको मूल्य तोलामा ९२ हजार ६ सय रुपैयाँ तोकिएको छ । यस्तै तेजावी सुनको मूल्य तोलामा ९२ हजार एक सय रुपैयाँ कायम भएको छ । बिहीबार छापावल सुन तोलामा ९३ हजार ५ सय र तेजावी सुन ९३ हजार रुपैयाँमा कारोबार भएको थियो । यस्तै चाँदीको मूल्य तोलामा २५ रुपैयाँले घटेर १२ सय ६५ रुपैयाँमा कारोबार भएको छ ।
प्रतिक्रिया
सम्बन्धित खवर
ताजा खबर
