दाङ ९ कार्तिक ।

सांग्रिला डेभलपमेन्ट बैंक लि. घोराही शाखाले आफ्नो १७औं वार्षिकोत्सव भव्य रुपमा सम्पन्न गरेको छ । उक्त वार्षिकोत्सव मनाउने क्रममा घोराही उ.म.न.पा. ११ स्थित खैरामा रहेको श्री परोपकार ईङ्गलिस बोर्डीङ्ग स्कुलमा वित्तिय साक्षरता सम्बन्धी कार्यक्रम सञ्चालन गरेको हो ।

उक्त वित्तिय साक्षरता कार्यक्रमका प्रमुख अतिथि घोराही शाखाका प्रबन्धक सुदर्शण बिष्टले बैंक र समाज रुपान्तरणको अभिन्न अंग रहेको बताउनु भएको थियो भने उक्त कार्यक्रममा स्कुल व्यवस्थापन समिति, शिक्षक र विद्यार्थीको उपस्थितिमा कार्यक्रम भव्य र सव्य रहेको थियो भने खुल्दै गरेको सांग्रिला डेभलपमेन्ट नारायनपुर शाखाका प्रबन्धक बिकाश रिजालले वित्तिय साक्षरता सम्बन्धि प्रष्ट पार्नू भएको थियो भने कार्यक्रमको सहजीकरण परोपकार ईङ्गलिस बोर्डीङ्गका प्रिन्सिपल प्रेम वलीले गर्नू भएको थियो ।