तुलसीपुर, २८ चैत ।

दाङको तुलसीपुर स्थित राप्ती बबई क्याम्पसमा शिक्षक अभिभावक संघ गठन गरिएको छ । क्याम्पसको गुणस्तर सुनिश्चितता प्रयायन(क्यूएए) प्राप्तीका लागि सुसिला सुवेदीको अध्यक्षतामा संघ गठन गरिएको हो ।

जसको सचिबमा यसोदा पाण्डे, सदस्यहरुमा सपना बस्नेत, जनकबहादुर केसी, सीताराम शर्मा, कमला विक, केशवराज पौडेल, सूर्यप्रसाद शर्मा, शुसिल पन्थी रहेका छन् ।

त्यस्तै क्याम्पस प्रमुखलाई संरक्षक तोकिएको छ, भने ईश्वरी प्रसाद भण्डारी र सालिकराम लामिछानेलाई सल्लाहकार चयन गरिएको छ ।

क्याम्पस सञ्चालक समितिका उपाध्यक्ष मिनराज भण्डारीको अध्यक्षतामा भएको भेलाले संघ गठन गरेको हो । त्यस अवसरमा क्याम्पस सञ्चालक समितिका अध्यक्ष बिष्णुकुमार देवकोटाले क्याम्पस सुधारमा संघको भूमिका महत्वपूर्ण रहने बताए ।

क्याम्पस प्रमुख युवराज रावतले नेपालका १२ सय सामुदायिक क्याम्पस मध्ये राप्ती बबई क्याम्पस मुलुककै ३७ औं स्थानमा रहेको बताए । उनले शिक्षक अभिभाबक संघको भूमिकाले गुणस्तर सुनिश्चितता प्रयायन(क्यूएए) प्राप्त गर्न पनि महत्वपूर्ण भूमिका रहने बताए । सञ्चालक समितिका सदस्य मोहन भण्डारीले स्वागत मन्तब्य ब्यक्त गरेको भेलाको सहजीकरण यमनाथ उपाध्यायले गरेका थिए ।